सुनील भंडारे पाटील
कोरेगांव भिमा (तालुका शिरूर) येथील नं. 2 विविध कार्यकारी सेवा सोसायटी तर्फे 15% लाभांश संस्थेची 64 वी वार्षिक सर्वसाधारण सभा संस्थेचे अध्यक्ष बबुशा आनंदराव ढेरंगे यांच्या अध्यक्षतेखाली खेळीमेळीच्या वातावरणात पार पडली.
महाराष्ट्र शासनामार्फत वेळेवर परतफेड करणाऱ्या शेतकऱ्यांना 50,000/ रुपये प्रोत्साहनपर लाभ, व्याज सवलत, संगणकीकरण, खत विक्री विभाग सुरु करणे इत्यादि विषयांवर चर्चा होऊन खेळीमेळीच्या वातावरणात सभा पार पडली. संस्थेचे वयोवृध्द ज्येष्ठ मा. संचालक दगडू अंकूश गव्हाणे यांचा सत्कार करण्यात आला. नवनिर्वाचीत तज्ञ संचालक सर्जेराव दाजिबा गव्हाणे व नितिन ज्ञानेश्र्वर गव्हाणे यांना शुभेच्छा देण्यात आल्या.
यावेळी राष्ट्रवादी काँग्रेसचे जिल्हा उपाध्यक्ष नारायण फडतरे, माजी उपसरपंच राजाराम ढेरंगे, घोडगंगाचे माजी संचालक विक्रमराव गव्हाणे पाटील, कैलास सोनवणे, वसंत गिलबिले, विक्रम दौंडकर, यावेळी उपस्थित होते. संस्थेचे अध्यक्ष,बबुशा ढेरंगे व उपाध्यक्ष सारिका गव्हाणे यांनी आभार मानले.यावेळी सर्व संचालक व कोरेगांव भिमा, डिंग्रजवाडी,वाडा पुनर्वसन येथील
अनेक शेतकरी सभासद उपस्थित होते.