लोणी काळभोर प्रतिनिधी
थेऊर (ता. हवेली) येथील यशवंत सहकारी साखर कारखान्याला तब्बल १३ वर्षा नंतर नवीन अध्यक्ष व उपाध्यक्ष लाभणार आहे. कारखान्याच्या अध्यक्ष व उपाध्यक्षपदांची निवडणूक बुधवारी (दि. २७) कारखाना कार्यस्थळावर होणार आहे. त्यासाठी निवडणूक निर्णय अधिकारी शीतल पाटील यांनी नवनियुक्त संचालक मंडळाला निवडीसाठी अजेंडा बजावला आहे.
या सत्ताधारी गटाच्या संचालक मंडळात पॅनेलप्रमुख प्रकाश जगताप यांचे बंधू व गत संचालक मंडळात संचालकपद भूषविलेले सुभाष जगताप हे एकमेव कारखान्याच्या कामाकाजाचा अनुभव असलेले संचालक अध्यक्षपदासाठी प्रमुख दावेदार असणार आहेत, तर दुसरीकडे कारखान्यासाठी न्यायालय, राज्य सरकार व प्रशासकीय पातळीवर सतत संघर्ष केलेले माजी संचालक पांडुरंग काळे यांचे चिरंजी व मोरेश्वर काळे हे पण शर्यतीत राहणार का, अशी चर्चा सुरू आहे.