सुनील भंडारे पाटील
सद्यस्थितीत शिरूर हवेली विधानसभा मतदारसंघात प्रचाराचा सभा धडाका जोरदार चालू असून निवडणुकीच्या रेसमध्ये असणाऱ्या प्रमुख उमेदवार विषयी अनेक तर्क वितर्क लावले जात आहेत, त्यात काल झालेल्या शिरूर तालुक्यातील तळेगाव ढमढेरे येथील महाविकास आघाडीच्या आमदार अशोक बापू पवार यांच्या सभेत घोडगंगा सहकारी साखर कारखान्याचा मुद्दा चांगलाच गाजला, चक्क एका शेतकऱ्याने काही उद्देशाने ऊसाच टिपरू काढले,
तळेगाव ढमढेरे येथील आमदार पवार यांची सभा चालू असताना येथील वृद्ध शेतकरी यांनी सभा थोडा वेळ ऐकल्यानंतर या शेतकऱ्याने शिरूर तालुक्यात घोडगंगेच्या प्रश्नावर सभासद व जनता किती वैतागली आहे, या घटनेवरून स्पष्ट झाले, चक्क त्या अंदाजे 70 वर्षाच्या पुढील वय असणाऱ्या शेतकऱ्याने चक्क उसाचे टिपरू उजव्या हाताने बाहेर काढून दाखवला तसेच जाब विचारण्याचा प्रयत्न केला, तसेच कामकाजा बाबतीत काही शब्दांचा उद्धार केला परंतु या शेतकऱ्याचा आवाज या ठिकाणी दाबण्यात आला, पोलिसांच्या साह्याने संबंधित शेतकऱ्याला सभेतून बाहेर काढण्यात आले, वास्तविकता अशा स्वरूपाच सभांमध्ये नागरिकांना प्रश्न विचारण्याचा अधिकार असताना या शेतकऱ्याचा आवाज दाबण्याचा प्रयत्न झाल्याने, या घटनेची सद्यस्थितीत शिरूर तसेच हवेली तालुक्यात जोरदार चर्चा चालू असून घोडगंगेच्या प्रश्नावर शेतकऱ्यांची काय भूमिका असेल याविषयीची जोरदार चर्चा रंगू लागली आहे,
उजव्या हाताने उसाचे टिपरू काढून दाखवणे यामध्ये या शेतकऱ्याचा काय उद्देश या विषयी तर्कवितर्क लावले जात आहेत, या शेतकऱ्याचा व्हिडिओ सध्या सोशल मीडियावर व्हायरल होत आहे, घोडगंगा सहकारी साखर कारखान्याचा प्रश्न मात्र या घटनेवरून चांगलाच उतणार असल्याचे स्पष्ट होत आहे,
