सुनील भंडारे पाटील
कडबनवाडी (तालुका इंदापूर ) येथे आज सोमवार तारीख 25 रोजी सकाळी साडेअकरा वाजण्याच्या सुमारास एक खाजगी विमान शेतात कोसळले, सुदैवाने कुठलीही जीवित हानी नाही, विमानाची महिला पायलट किरकोळ जखमी परंतु सुरक्षित आहे, विमानाचे पूर्ण नुकसान झाले आहे,
हे विमान बारामती मधील कार्व्हर एव्हिएशन कंपनी मार्फत महिला पायलट यांना प्रशिक्षण दिले जाते या कंपनीची असून , संबंधित कंपनीचे अधिकारी व बारामती मधून इतर खात्याच्या अधिकारी व कर्मचाऱ्यांचे पथक घटनास्थळी रावांना झाले असून, घडलेल्या घटनेबाबत कोणतेही कारण स्पष्ट झाले नाही, संबंधित शिकाऊ विमान बारामती विमानतळावरून उड्डाण झाले होते,
आकाशामध्ये हे विमान फिरत असताना अचानक कडबाणवाडी येथील बारहाते यांच्या शेतात कोसळले, स्थानिक नागरिक व शेतकऱ्यानी तातडीने घटनास्थळी धाव घेतली, घटनेची पाहणी करून, त्यांनी गांभीर्य लक्षात घेऊन विमानातील महिला पायलट भाविक ला सुरक्षित बाहेर काढण्यात आले, या अपघातात भाविक राठोड या महिला पायलटला किरकोळ जखमा झाल्या आहेत, त्यांना प्राथमिक उपचारासाठी नवजीवन हॉस्पिटल शेळगाव या ठिकाणी दाखल करण्यात आले असून, अपघात ग्रस्त विमानाचे मोठ्या प्रमाणात नुकसान झाले आहे, सुदैवाने लोक वस्ती सोडून हे विमान शेतात कोसळल्याने मोठी घटना टळली, महिला पायलटच्या हुशारीने लोक वस्ती वगळता हे विमान शेतात कोसळले, यामुळे मोठी जीवित हानी टळली,
