शिरूर विशेष प्रतिनिधी
टाकळी हाजी येथील सोसायटीचे व्हाईस चेअरमन रमेश सखाराम गावडे यांना संगमनेर येथील वसंत लॉन्स येथे पार पडलेल्या २०२२ आयडीयल फार्मर ॲवॉर्ड ६ वा पुरस्कार सोहळा या कार्यक्रमात "आयडीयल फार्मर ॲवॉर्ड २०२२" हा ॲवॉर्ड प्रदान करण्यात आला.राज्याचे मा.महसूल मंत्री बाळासाहेब थोरात व राज्याचे साखर आयुक्त शेखर गायकवाड यांच्या हस्ते.तारा रमेश गावडे व शुभम रमेश गावडे यांना पुरस्कार देऊन सत्कार करण्यात आला.
मार्गदर्शक म्हणून टाकळी हाजी येथील रोहन कृषी सेवा केंद्राचे कैलास गावडे यांचे सहकार्य लाभले.एक आदर्श शेतकरी म्हणून रमेश सखाराम गावडे यांचा परिसरात नावलौकिक आहे.शेती करत असताना सामाजिक कार्यात देखील सहभागी असतात.टाकळी हाजी येथील विविध कार्यकारी सेवा सहकारी सोसायटीत व्हाईस चेअरमनपदी विराजमान आहे.
त्यांच्या या सत्काराबद्दल शिरूर तालुक्याचे माजी आमदार पोपटराव गावडे,जिल्हा परिषदेच्या माजी सदस्या सूनिताताई गावडे, घोडगंगाचे संचालक राजेंद्र गावडे यांनी अभिनंदन केले.