रांजणगाव गणपती संभाजी गोरडे
जमिनीच्या वादातुन पुतण्याने चुलत्याला मारण्याची सुपारी दिल्याचा धक्कादायक प्रकार रांजणगाव एमआयडीसी पोलीस स्टेशन हद्दीत घडला आहे.या बाबत सोनेसांगवी येथील अँड. हनुमंत अंकुश टाकळकर यांनी रांजणगाव एमआयडीसी पोलीस ठाण्यात फिर्याद दिली आहे.
रांजणगाव गणपती येथील हॉटेल धनगर वाडा समोर दि. २६/७/२०२२ रोजी रात्री ८ वा. ३० मि. फिर्यादी अँड. हनुमंत अंकुश टाकळकर यांना पाच ते सहा अनोळखी इसमांनी लाकडी दांडक्याने व हाताने मारहाण करून त्यांचा करून डावा हात व डाव्या पायावर मारून त्यांना गंभीर जखमी केले. तसेच फिर्यादी यांची बलेनो चारचाकी गाडीच्या काचा फोडून नुकसान केले होते. त्यामुळे फिर्यादी टाकळकर हे औषोधोपचार घेण्यासाठी शिरूर येथील खाजगी हॉस्पिटलमध्ये दाखल झाले. त्यांच्या फिर्यादीवरून अनोळखी आरोपी विरुद्ध गुन्हा दाखल करण्यात आला आहे..
सदर गुन्ह्यातील अनोळखी आरोपींचा तपास पथकाच्या मदतीने पोलीस निरीक्षक बलवंत मांडगे यांच्या मार्गदर्शनाखाली उपनिरीक्षक सुहास रोकडे यांनी तपास सुरू केला. फिर्यादी यांच्या संपर्कातील सर्व व्यक्ती व शक्यत्यांची पडताळणी करूनही काहीच धागे-दोरे लागत नसताना तपास पथकातील पोलीस उपनिरीक्षक सुहास रोकडे,सहा.फौज. दत्तात्रय शिंदे,पो.कॉ.उमेश कोतवाळ पो .कॉ विजय शिंदे यांनी गोपनिय बातमीच्या आधारे सदरचा गुन्हा हा आरोपी हर्षल सुभाष कोहकडे , प्रज्वल दत्तात्रय सातकर दोन्ही रा.कारेगाव.ता.शिरुर.जि.पुणे , वैभव आप्पा टाकळकर , अभय अनिल टिंगरे दोन्ही रा टाकळकर वाडी,ता. शिरूर .जि. पुणे , संकेत गुजर , अभि पवार , गौरव काळे पुणे नाव पत्ता माहित नाही यांनी संगनमताने केला असल्याचे निष्पन्न झाले यातील आरोपी हर्षल सुभाष कोहकडे , प्रज्वल दत्तात्रय सातकर
यांना दि. ३०जुलै रोजी अटक करून त्यांच्याकडे तपास केला असता त्यांचा सदरचा गुन्हा हा आरोपी क्र. वैभव आप्पा टाकळकर याने त्यांना ५०,०००/रु. ची सुपारी देऊन त्यांचा चुलता ॲड .हनुमंत अंकुश टाकळकर याचे हातपाय मोडण्यास सांगितले असल्याचे निष्पन्न झाले.सदर गुन्ह्याचे तपासामध्ये आरोपी वैभव टाकळकर याला दि. १ आँगस्ट रोजी अटक करून त्यांच्याकडे तपास केला असता यातील फिर्यादी व त्यांच्या वडिलोपार्जीत शेत जमिनीचे कारणावरून वाद चालू होता. त्या वादाचे कारणावरून त्याने त्याचे इतर साथीदार आरोपीसह संगणमताने कट करून फिर्यादीस मारहाण करण्याची सुपारी दिली असल्याची कबुली दिली आहे.
सदरची कामगिरी पुणे ग्रामीणचे पोलीस अधिक्षक अभिनव देशमुख , अप्पर पोलीस अधिक्षक बारामती मिलिंद मोहिते , उपविभागीय पोलीस अधिकारी शिरूर विभाग यशवंत गवारी यांचे मार्गदर्शनाखाली पोलीस निरीक्षक बलवंत मांडगे पोलीस उपनिरीक्षक सुहास रोकडे सहा.फौ. दत्तात्रय शिंदे.पो कॉ. विजय शिंदे , उमेश कुतवाळ , पो.हवा विलास आंबेकर , पो.ना अभिमान कोळेकर यांनी केली आहे सदर गुन्ह्याचा पुढील अधिक तपास पोलीस उपनिरीक्षक सुहास रोकडे हे करीत आहेत.