सणसवाडी प्रतिनिधी
कान्हूर मेसाई (तालुका शिरूर) येथील आर्यन भरत पुंडे.इयत्ता आठवी. अभ्यासात हुशार आणि खेळातही. वडिलांचे छत्र १० वर्षांपूर्वी हरपले त्यावेळी तो होता ३ वर्षाचा.तेव्हापासून आईने कंबर कसली आणि पदरातील २ मुली आणि १ मुलगा यांना वाढविण्याचा व शिक्षण देण्याचा चंग बांधला.मुलांनीही आईच्या कष्टाची जाणीव ठेवून अभ्यास केला.पाचवीच्या शिष्यवृत्ती परीक्षेत मुलगी नूतन यशवंत झाली.आर्यन पण पाचवीला शिष्यवृत्ती परीक्षेत यशस्वी ठरला.आर्यनला खेळाची आवड म्हणून शालेय क्रीडा स्पर्धा जाहीर झाली आणि त्याच्यातला खेळाडू जागा झाला.शाळेच्या मैदानावर मित्रांसोबत कबड्डीचा सराव करताना हातावर पडला आणि उजवा हातच मनगटाच्या बाजूला मोडला.त्याची घायाळ अवस्था पाहून प्राचार्य अनिल शिंदे, क्रीडाशिक्षक ज्ञानेश्वर पुंडे ,प्रकाश चव्हाण,चंद्रकांत धुमाळ यांनी त्याला धीर देत प्राथमिक उपचार केले.मात्र नंतर शिक्रापूर येथील रक्षक हॉस्पिटलमध्ये उपचार घेताना जवळपास पंचवीस हजार रुपयांचा खर्च आला.
ह्यावेळी प्राचार्य अनिल शिंदे यांनी सांगितले की,आमच्या विद्यालयातील शिक्षक,सेवक व सर्व विद्यार्थी संस्कारक्षम असून शिक्षणाचा खरा अर्थ ते त्यांच्या कृतीमधून दाखवितात. समाजातील वंचित, गरीब घटकांचे अश्रू पुसताना माझे सहकारी व गुणवंत विद्यार्थी त्यांच्यातील संवेदनशीलतेचे दर्शन घडवितात याचा मला अभिमान वाटतो. त्यांची ही कृती खूप बोलकी आणि अंधारलेल्या समाजात दिशादर्शक व अनुकरणीय आहे.
समाजातील वंचितांना मदत करताना नेहमी अग्रेसर असणारे विद्या विकास मंडळाचे संचालक शहाजीअण्णा दळवी व प्राचार्य ,शिक्षक, सेवक यांच्या हातून हा निधी स्विकारताना लता भरत पुंडे यांच्या डोळ्यांत अश्रू तरारले होते.