तमाशा कलाकार गंगाराम बुवा कवठेकरांचे निधन

सणसवाडी ज्ञानेश्वर मिडगुले

       कवठे येमाई (तालुका शिरूर) चे नाव महाराष्ट्रात गाजवणारे तमाशा सम्राट गंगारामबुवा कवठेकर यांचे आज पहाटे वयाच्या ९६ व्या वर्षी वृद्धापकाळाने निधन झाले .    

जुन्या काळी जेंव्हा टीव्ही सारखे मनोरजनाचे साधन नव्हते, त्याकाळात लोकरंजनातून जनजागृतीचे साधन म्हनून तमाशाला फार महत्व होते व गंगाराम कवठेकर हे तमाशाफड मालक , ढोलकी पट्टू ,लोकगीतकार , लेखक, गायक , सोंगाड्या, विनोदविर कवी असे अष्टपैलु व्यक्तीमत्व होते . तमाशा वग फार्स गित लेखक बी. के मोमीन यांची गाणी त्यांनी अजरामर केली . तमाशातील योगदानाची दखल घेवून त्यांना 'जिवन गौरव ' हा मानाचा पुरस्कार मिळाला . ' मातली ही भांडवलशाही s गरीबाचा कोणी नाही ' या गितगायनातून वास्तवतेचं दर्शनही त्यांनी घडविले . गरीबाचा पाहुनी तमाशा - श्रीमंत हसती मनीषा - असे हे सरकार , जशी तलवारीची धार - गरिबाच्या मानेवर होss चोर खाई हलवा मिठाई ! मातली हीभांडवलशाही , या त्यांचे गायनावर टाळ्या पडत .प्राथमिक शिक्षक राजेंद्र रेणके यांचे ते वडील होत . युवा सामाजिक कार्यकर्ते सनी रेनके व अनिकेत रेणके यांचे ते आजोबा होते . त्यांच्या मृत्यूनंतर माजी गृहमंत्री दिलीप वळसेपाटील , माजी आमदार पोपटराव गावडे ,पंचायत समिती सदस्य डॉक्टर सुभाष पोकळे, सरपंच सुनीता पोकळे माजी सरपंच दामूसेठ घोडे , ग्रामपंचायत सदस्य प्रवीण बाफना, वैशाली रत्नपारखी ,मधुकर रोकडे, वसंत पडवळ ,  विक्रम इचके ' सुरेश इचके , आबा वागदरे, मुख्याध्यापक कांदळकर,तमाशा महोत्सव अध्यक्ष वसंत जगताप , आजाद बोरगावकर व जनसमुदायाने श्रद्धांजली वाहिली . कोणतीही कला मानसाला मेल्या नंतरही जिवंत ठेवते, त्याचे गंगारामबुवा कवठेकर हे जिवंत उदाहरण आहे , अशी भावना डॉ . पोकळे यांनी व्यक्त केली .