लोणीकाळभोर प्रतिनिधी अनिकेत मुळीक
मांडूळ जातीचा साप विक्री करण्याच्या तयारीत असलेल्या एकास चंदननगर पोलिसांनी पकडले. खराडी भागात ही कारवाई करण्यात आली. त्याच्याकडून मांडूळ जातीचा साप ताब्यात घेण्यात आला. अक्षय बाबू पटेल (वय २१, रा. खराडी) असे अटक करण्यात आलेल्याचे नाव आहे.
चंदननगर पोलीस ठाण्याचे वरिष्ठ पोलीस निरीक्षक राजेंद्र लांडगे, गुन्हे शाखेचे पाेलीस निरीक्षक जगन्नाथ जानकर यांच्या मार्गदर्शनाखाली पोलीस उपनिरीक्षक अरविंद कुमरे, महेश नाणेकर, श्रीकांत शेंडे, सुभाष आव्हाड, श्रीकांत कोद्रे, सूरज जाधव, शेखर शिंदे आदींनी ही कारवाई केली. जप्त करण्यात आलेला साप वनविभागाच्या ताब्यात देण्यात आला आहे.