लोणी काळभोर प्रतिनिधी
हडपसर पुणे भागात मुलानेच वडिलांचा खून केल्याचे उघड झाले आहे. वडिलांनी दारूच्या नशेत शिवीगाळ केल्याचा राग मनात धरून या मुलाने काठीने मारहाण करून आणि गळा दाबून वडिलांचा खून केला. हडपसर पोलीस ठाण्यात या प्रकरणी गुन्हा दाखल करण्यात आला आहे.
रवि क्षीरसागर (वय ५२, घुले पाटील कॉलनी मांजरी रेल्वे गेट जवळ मांजरी बुद्रुक) असे खून झालेल्या पित्याचे नाव आहे. मुलगा ओंकार रवि क्षीरसागर (वय २७) याच्या विरोधात गुन्हा दाखल करण्यात आला असून त्याला अटक करण्यात आली आहे. आरोपी मुलाची आई रेखा रवी क्षीरसागर (वय ४३) यांनी या प्रकरणी तक्रार हडपसर पोलीस स्टेशन येथे तक्रार दाखल केली असून रवि क्षीरसागर यांनी दारूच्या नशेत मुलगा ओंकार ला शिवीगाळ केली. आरोपीने काठीने मारहाण करून आणि गळा दाबून त्यांचा खून केला. हडपसर पोलिसांनी या प्रकरणी खुनाचा गुन्हा दाखल केला असून अधिक तपास सुरू आहे.
