लोणी काळभोर प्रतिनिधी सचिन सुंबे
पुणे-सोलापूर महामार्गावर वाहतूक पोलिस यंत्रणेच्या नियोजनाअभावी प्रचंड वाहतूक कोंडीने नागरिक हैराण झाले आहेत .. वाहतुक शाखेचे पोलीस सुध्दा या कोंडीने हतबल झाले असुन कोंडी सोडवण्यासाठी कसोशीने प्रयत्न करत आहेत .
लोणी काळभोर पोलीस स्टेशन ग्रामीण मधून शहर पोलीस विभागाकडे हस्तांतरित झाल्यानंतर स्वतंत्र असे वाहतूक व्यवस्था शहर पोलिसांकडून नेमण्यात आली. मात्र ग्रामीणपेक्षा शहरी वाहतूक व्यवस्था आल्यापासून प्रचंड वाहतूक कोंडी होत असून वाहतूक कोंडी सोडवण्यास शहर वाहतूक पोलिसांना अपयश आले आहे. त्यामुळे पूर्व हवेलीतील नागरिक ग्रामीण वाहतूक पोलीसच बरे होते असे सांगत आहेत. शहर वाहतूक पोलिसांनी आता कडक उपाय योजनेची गरज असल्याचे नागरिकांनी सांगितले.