सुनील भंडारे पाटील
50 हजारांची लाच मागणी करत तडजोडी अंती 10 हजार रुपये लाचेची रक्कम स्वीकारताना शिरूर पोलीस स्टेशन येथे कार्यरत असणारा सहाय्यक पोलीस फौजदार याला लाचलुचपत प्रतिबंधक विभाग, पुणे यांनी सापळा रचून रंगे हात पकडले, याबाबत पोलीस स्टेशन शिरूर येथे गुन्हा दाखल करण्यात आला आहे,
दिलेल्या माहितीनुसार तक्रारदार एक पुरुष वय 65 वर्ष, व त्यांचा मुलगा यांच्या विरुद्ध शिरूर पोलीस ठाणे, येथे दोन वर्षांपूर्वी दखलपात्र गुन्ह्याची नोंद करण्यात आली असून सदर गुन्ह्यांमध्ये अटक न करण्यासाठी व गुन्ह्यात मदत करण्यासाठी 50 हजार रुपयांची लाच मागणी गवारे करत असल्याची तक्रार लाचलुचपत प्रतिबंधक विभाग, पुणे यांना प्राप्त झाली होती,
सदर तक्रारीच्या अनुषंगाने आज बुधवार ता 20 रोजी पडताळणी दरम्यान तक्रारदाराने तडजोडी आणती 10,000 रुपये गवारे याला देताना लाचेची रक्कम पंचा समक्ष स्वीकारल्यावर अँटी करप्शन ब्युरो पुणे यांनी रंगे हात पकडले,
सदरची कारवाई अमोल तांबे पोलीस अधीक्षक, डॉक्टर शितल जानवे अप्पर पोलीस अधीक्षक, लाचलुचपत प्रतिबंधक विभाग,पुणे यांचे मार्गदर्शनाखाली प्रणिता सांगोलकर पोलीस निरीक्षक, प्रवीण तावरे पोलीस शिपाई, आशिष डावकर पोलीस शिपाई, चालक पोलीस हवालदार काकडे लाचलुचपत प्रतिबंधक विभाग पुणे यांच्या पथकाने केली,