प्रतिनिधी वैभव पवार
विशेष सरकारी वकील अँड उज्ज्वल निकम यांना लोकसेवेतल्या उत्कृष्ट कार्याबद्दल 'सूर्यदत्त सूर्यभूषण राष्ट्रीय पुरस्कार 2023,नं सूर्यदत्त एज्युकेशन फौंडेशन, पुणे चे संस्थापक अध्यक्ष प्रा. डॉ. संजय चोरडिया यांच्या हस्ते सन्मानित करण्यात आले. यावेळी सूर्यदत्त विधी कॉलजचे,प्राचार्य डॉ. मिथिलेश वर्मा, प्रा. केतकी बापट आणि प्रा. मोनिका सेहरावत उपस्थित होत्या.
सूर्यदत्त ग्रुप ऑफ इन्स्टिटयूटस चे संस्थापक -अध्यक्ष प्रा. डॉ. संजय चोरडिया म्हणाले देशाच्या कायदे विषयक इतिहासात उज्ज्वल निकम यांचं नांव सुवर्ण अक्षरांत लिहिलं जाईल. विशेष सरकारी वकील आणि उत्तम माणूस म्हणून त्यांची नोंद घेण्यात येईल. अत्यंत कठीण खटले लढण्यासाठी ते ओळखले जातात. त्यांनी प्रामुख्याने खून आणि दहशदवादाच्या प्रकारणावर काम केलं आहे. त्यांनी आंतरराष्ट्रीय क्षेत्रात भारताची सकारात्मक प्रतिमा निर्माण करण्यास मदत केली. त्यांच्या या कामगिरी बद्दल त्यांना सूर्यदत्त सूर्यभूषण राष्ट्रीय पुरस्कार 2023 प्रदान करण्यात आला आहे. यावेळी सूर्यदत्त विधी कॉलेज चे शिक्षक व शिक्षकेतर कर्मचारी, विद्यार्थी या वेळी मोठया संख्येने उपस्थित होते.