शिरूर तालुका पुरवठा विभागात अनागोंदी कारभार...तालुक्यातील गोरगरीब लाभार्थ्यांना त्रास
इंटरनेट नेटवर्क च्या नावाखाली सर्व सामान्य जनतेची पिळवणूक तर कार्यालयामध्ये सगळा प्रभारी कारभार...जबाबदार कोण ?
शिरूर तालुक्यातील पुरवठा विभागात चक्क एका रेशनकार्ड वरील नाव कमी करण्यासाठी पूर्ण दिवसभर पुरवठा विभागाच्या दारात तासन-तास बसून सुद्धा काम झाले नाही असा प्रकार घडून आलेला आहे.सर्व ग्रामीण व शहरी भागातील लोकांना पुरवठा विभागात आपल्या शिधापत्रीकातील नाव कमी करणे, नाव वाढ करणे, नवीन रेशन कार्ड काढणे या साठी शिरूर येथे यावे लागत आहे परंतु ते पुरवठा विभागाच्या दारात गेल्यावर त्या ठिकाणी बाहेरील फलक वाचून परतीचा मार्ग दाखवला जात असल्याचा प्रकार निदर्शनात आला आहे. मग पुरवठा विभागातील कर्मचारी कुठले काम दिवसभर करत असतात असा प्रश्न सर्व सामान्य नागरीकांना पडताना दिसून येत आहे.
पुरवठा विभागात जाणाऱ्या संबंधित व्यक्तीला त्यांना आपल्या कामाची ऑनलाईन प्रक्रिया करून आणण्यासाठी परत परतीचा मार्ग दाखवला जात आहे.
कार्यालयात सगळ्या प्रभारी कारभार असल्यामुळे व तालुक्याला पूर्ण वेळ पुरवठा निरीक्षक लक्ष देत नसल्यामुळे जनतेची अनेक कामे खोळंबली आहे "भीक नको पण कुत्रा आवरा अशी अवस्था शिरूरकरांची झाली आहे? मग सर्व सामान्य नागरिकांची कामे करणार तरी कोण असा प्रश्न निर्माण झाला आहे.