लोणी काळभोर प्रतिनिधी
शिरूर लोकसभा मतदारसंघाचे मा. खासदार शिवाजीराव आढळराव पाटील यांनी दिनांक २९ फेब्रुवारी रोजी शिवसेना, युवा सेना, महिला आघाडी, पक्ष अंगीकृत संघटना व सर्व शिवसैनिकांची अती तातडीची बैठक बोलावली असून या बैठकीत ते महत्त्वाची घोषणा व निर्णय घेणार असल्याची चर्चा होत आहे.
शिरूर लोकसभा मतदारसंघावर अजित पवार यांनी दावा केला असल्याचे बोलले जात असुन उमेदवारी मिळवण्यासाठी मा. खासदार शिवाजीराव आढळराव पाटील कार्यकर्त्यांची चर्चा करून अजित पवार यांच्या गटात जाणार असल्याची चर्चा राष्ट्रवादी काँग्रेस पक्षाच्या गटात सुरू आहे.शिरूर लोकसभा मतदारसंघात डॉ. अमोल कोल्हे यांच्या विरोधात तगडा उमेदवार देण्याबाबत चाचपणी सुरू असून आमदार महेश लांडगे, मा. आमदार विलास लांडे, प्रदीप कंद यांच्या नावाची चर्चा होती मात्र मा. खासदार शिवाजीराव आढळराव पाटील हेच अमोल कोल्हे यांना जड जाऊ शकतात अशी चर्चा मतदारसंघात होत आहे...