पुणे जिल्हा प्रतिनिधी
सोशल मीडिया मुळे दिवसेंदिवस अत्याचारांच्या घटनांमध्ये वाढ होताना दिसून आहे. त्यातच एक घटना पुण्यातील चंदननगर परिसरात घडलेली आहे. इंस्टाग्राम सोशल मीडियाच्या माध्यमातून एका १६ वर्षीय अल्पवयीन तरुणीची तरुणा सोबत ओळख झाली होती काही दिवसांनी हया ओळखीचे रूपांतर मैत्रीत झाले आणि त्यानंतर या मुलीला पश्चाताप करण्याची वेळ आली आहे. त्या तरुणाने या मुलीला भेटायला बोलावले आणि तिच्यावर अतिप्रसंग केल्याची घटना आता उघडकीस आलेली आहे.
पोलिसांन कडील माहिती नुसार, पिडीत तरुणीची आणि आरोपीची २०२३ मध्ये सोशल मीडिया या इंन्स्टाग्रामवर ओळख झाली होती. आरोपीने मुलीसोबत मैत्री वाढवलेली होती. तसेच त्यांच्यात संभाषण होऊ लागल्यामुळे मैत्रीचे रुपांतर प्रेमात झाल्या. नंतर आरोपीने पिडीत मुलीला खराडी परिसरात भेटण्यासाठी बोलवून घेतले. मुलगी अल्पवयीन असल्याचे माहित असताना देखील आरोपीने तिच्यासोबत जबरदस्तीने शारीरिक संबंध ठेवले. त्यानंतर फसवणूक झाल्याचे लक्षात आल्यानंतर मुलीने चंदननगर पोलीस ठाण्यात धाव घेत आरोपी विरुद्ध तक्रार दिली आसून सदरील गुन्ह्याचा पुढील तपास सध्या पोलीस करीत आहेत.