सुनील भंडारे पाटील
पुणे जिल्ह्याच्या पूर्व पट्ट्यातील वाघोली नजीकच्या लोणीकंद तसेच भावडी या दोन गावांमधील खान उद्योजकांचा वाढता धुमाकूळ, शासनाची होणारी फसवणूक, खडी वाहतुकीचा होणारा त्रास याला आता जनता वैतागली असून आज गौण खनिज तहसीलदार ज्योती देवरे यांनी दगड खाणींची मोजणी केली,
शासनाच्या डोळ्यात माती टाकत तसेच शासनाची झालेली फसवणूक याला वाचा फोडण्यासाठी पुणे जिल्ह्याच्या कारवाई मध्ये धडाकेबाज म्हणून ओळख असणाऱ्या गौण खनिज तहसीलदार ज्योती देवरे यांनी बेधडकपणे, खान उद्योगांमध्ये झालेल्या उत्खननाची ड्रोन द्वारे आज अचानक मोजणी चालू केल्याने, खान उद्योजकांचे धाबे दणाणले आहेत, तहसीलदार देवरे यांचे खान उद्योगाच्या ठिकाणी आगमन होताच लबाड खान उद्योजक वाहतूकदार यांची पळापळ झाली, काही मिनिटातच वाहतूक करणाऱ्या गाड्या पूर्णपणे बंद झाल्याचे चित्र दिसून आले,