आळंदी प्रतिनिधी अर्जुन मेदनकर
आळंदी पुणे रस्त्यावरील वडमुखवाडी येथील श्री संत ज्ञानेश्वर महाराज थोरल्या पादुका मंदिरात माऊलींच्या पादुका पालखी सोहळा मालक राजेंद्र आरफळकर यांनी मंदिरात प्रथा परंपरांचे पालन करीत हरिनाम गजरात आणला. यावेळी माऊलींचे पादुकांची पुजा, आरती ट्रस्टचे संस्थापक अध्यक्ष अँड. विष्णू तापकीर यांचे हस्ते झाली.
माऊलींच्या वैभवी पादुका आषाढी पायी वारी पालखी सोहळ्या निमित्त पंढरपूर वरून परतीचे प्रवासात आळंदी कडे सोहळा हरिनाम गजरात जात असताना संत श्री ज्ञानेश्वर महाराज थोरल्या पादुका मंदिरात विसावा घेऊन श्रीच्या वैभवी पादुकांची पूजा हरिनाम गजरात परंपरेनुसार करण्यात आली.
यावेळी श्री संत ज्ञानेश्वर महाराज संस्थान चे प्रमुख विश्वस्त अँड. राजेंद्र उमाप, पालखी सोहळा प्रमुख योगी निरंजननाथ, विश्वस्त भावार्थ देखणे, व्यवस्थापक माऊली वीर, चोपदार बाळासाहेब रणदिवे, राजाभाऊ रंधवे या मान्यवरांचे स्वागत व सत्कार ट्रस्टचे संस्थापक अध्यक्ष अँड. विष्णू तापकीर यांचे हस्ते शाल श्रीफळ, उपरणे देऊन करण्यात आले.
यावेळी वस्ताद किसनराव लांडगे, ह.भ.प. गजानन महाराज सोनुने, हभप. राधाकृष्ण गरड गुरुजी, संचालक प्रवीण काळजे, हभप. रमेश घोंगडे आदी मान्यवर उपस्थित होते.दिघी पोलीस स्टेशनचे पोलीस निरीक्षक विजय ढमाळ यांनी यावेळी पोलीस बंदोबस्त तैनात केला होता. रोहिणी परुतगल्ले यांनी उत्कृष्ठ रांगोळी काढली. यावेळी मंदिरात आकर्षक पुष्प सजावट केली होती. आळंदीतील स्वकाम सेवा, पोलीस मित्र यांनी सुरळीत दर्शन बारीचे नियोजन केले होते. यावेळी ट्रस्टचे वतीने भाविकांना लापशीचा महाप्रसाद वाटप करण्यात आला.