सुनील भंडारे पाटील
पेरणे (तालुका हवेली) गावाच्या हद्दीत माऊलाई चौक कदम वस्ती रोडलगत घराच्या मागे मोकळ्या जागेत गावठी हातभट्टीवर गुन्हे शाखा युनिट-६ च्या पथकाने छापा मारून एका महिले विरोधात दारूबंदी कायद्यान्वये गुन्हा दाखल करण्यात आला आहे.
पोलिसांनी दिलेल्या गुन्हे शाखा युनिट सहाचे पथक रविवारी (दि. ७ जुलै) युनिट गस्तीवर असताना युनिट-६ चे पोलीस अंमलदार ऋषीकेश ताकवणे व पो अंमलदार सचिन पवार यांना पेरणे गावचे हद्दीत माऊलाई चौक कदम वस्ती रोड परिसरात राहत्या घरामागे मोकळ्या जागेत ओढ्यालगत एक महिला हातभट्टी लावून दारू काढत असल्याची माहिती मिळाली.
त्यानुसार युनिट ६ च्या पथकाने सदर ठिकाणी जावून दारूभट्टीवर छापा मारला. १ हजार ९०० लिटर कच्चे रसायन, प्लास्टिक बॅरल, ३५ लिटर तयार दारू असा एकूण ८० हजार ५०० रुपये किमतीचा मुद्देमाल जप्त केला करण्यात आला असून तिचेविरुद्ध लोणीकंद पोलीस स्टेशनमध्ये महाराष्ट्र दारूबंदी कायद्यान्वये गुन्हा नोंद करण्यात आला आहे.
सदरील कारवाई वरिष्ठांच्या मार्गदर्शनाखाली गुन्हे शाखा युनिट-६ चे वरिष्ठ पोलीस निरीक्षक उल्हास कदम यांच्या पथकाने केली आहे.