शिरूर प्रतिनिधी
शिरुर शहरात तसेच आजुबाजुच्या ग्रामीण भागामध्ये विविध चौकात , रस्त्यांवर व इतर ठिकाणी वाहतुकीचे नियम मोडणा-या वाहन चालकांना ऑनलाईन स्वरूपात पोलीसांकडुन ई - चलान पाठविले जाते .
तरी देखील वाहन चालक ई-चलानकडे दुर्लक्ष करून राजरोसपणे मोटर वाहन कायदयांतील नियमांचे उल्लंघन करत असताना दिसुन येतात . आज दि .३०/०७/२०२२ इसम नामे निलेश बाळू जासुद रा .चव्हाणावडी , ता . शिरूर , जि . पुणे हा त्याचेकडील लाल रंगाची स्विफट कार नं . एम . एच . १२ एस . एन . ९ ८६० हीस ब्लॅक फिल्मींग करून शिरूर शहरामध्ये आली असता सी.टी. बोरा कॉलेज , शिरूर येथे वाहतुक पोलीस सहा .फौज चव्हाण व म.पो.ना जाधव यांनी त्यास आडवुन त्याने त्याचे कारचे काचांना ब्लॅक फिल्मींग केली असल्याने सदर वाहनावर १,५०० / - रू . रक्कमेचे ई - चलान पाठविले . तेंव्हा असे निदर्शनास आले की , सदर वाहनावर ठाणे , रायगड , शिरूर तालुका , पुणे शहर , पिंपरी चिंचवड या परिसरात वाहनाचे काचास ब्लॅक फिल्मींग करणे , वाहन नो पार्किंगमध्ये उभा करणे , वाहतुक पोलीसांचा इशारा न माणने वगैरे स्वरूपाचे मोटर वाहन कायद्यातील नियमांचे उल्लंघन केल्याने दि .१ ९ / ०२ / २०२१ रोजीपासुन ते आजपर्यंत एकुण २४,००० / -रु . रक्कमेचा दंड थकीत असल्याचे दिसुन आले . यापूर्वीही ब्लॅक फिल्मींग मुळे सदर वाहनावर दंडात्मक कारवाई होवुन देखील वाहन धारक कायद्यास न जुमानता पुन्हा सदर वाहनाचे काचास ब्लॅक फिल्मींग करून वाहन शहरामध्ये फिरवित असल्याचे दिसुन आले . त्यामुळे त्याचेकडुन थकीत एकुण २४,००० / दंडाची रक्कम ताबडतोप वसुली करून सरकारी तिजोरीत जमा करण्यात आलेली आहे . यापुढे देखील शिरूर शहर व ग्रामीण परिसरातील नागरिकांना जाहिर आव्हान देण्यात येते की , आपण कोठेही वाहन चालवित असताना वाहतुकीचे नियम पाळले नाहीत तर आपणांवर ई चालानद्वारे दंडात्मक कारवाई केली जाते व तो दंड अशा प्रकारे एक ना एक दिवस आपलेकडुन वसुल करण्यात येतोच त्यामुळे वाहतुकीच्या नियमांकडे दुर्लक्ष करू नये व सुरक्षित प्रवास करावा . वरीलप्रमाणे कार्यवाही पोलीस अधीक्षक अभिनव देशमुख सो , मा . अपर पोलीस अधिक्षक मितेश गटटे सेग , पुणे व उपविभागीय पोलीस अधिकारी यशवंत गवारी सो , शिरूर यांचे मागदर्शना खाली मा . पोलीस निरीक्षक सुरेशकुमार राऊत सो , सहा . फौज . अनिल चव्हाण , म.पो.ना बी.के. जाधव या टिमने केलेली आहे .
