रांजणगाव गणपती संभाजी गोरडे
भाद्रपद गणेश ऊत्सवा निमित्त अष्टविनायकांपैकी एक असलेले श्री क्षेत्र गणपती येथील महागणपती द्वार यात्रेचा शुभारंभ रविवार दिनांक २८ पासून होत आहे. दरम्यान पहाटे ३ वाजण्याच्या सुमारास मंदिर मुक्तद्वार दर्शनास भाविकांसाठी खुले करण्यात येणार असल्याची माहिती देवस्थान ट्रस्टच्या विश्वसांनी दिली.
यादरम्यान भाविकांना रविवार ते बुधवार पर्यंत श्री महागणपतीच्या मूर्तीला प्रत्यक्ष हाताने स्पर्श करून दर्शन घेण्याची संधी मिळणार असल्याचे विश्वस्त नारायण पाचुंदकर यांनी सांगितले.
प्रथेनुसार भाद्रपद गणेश उत्सवात श्री महागणपतीच्या चारही दिशांना असलेल्या बहीणींना आणण्यासाठी पालखीद्वारे द्वारयाञा काढली जाणार असल्याचे विश्वस्त डॉक्टर संतोष दुंडे यांनी सांगितले. यात्राकाळात भाविकांची गर्दी लक्षात घेऊन भाविकांना सुविधा देण्यात आले आहेत या दरम्यान भाविकांना मंडप व्यवस्था , वाहनतळ , पिण्याच्या पाण्याची सुविधा , हिरकणी कक्ष आदी सुविधा देण्यात आले असल्याचे त्यांनी सांगितले. शिरूरचे तहसीलदार प्रशांत पिसाळ व पोलीस निरीक्षक बळवंत मांडगे ग्रामस्थ व विश्वस्त मंडळ यांच्यासमवेत झालेल्या बैठकीमध्ये भाविकांसाठी आवश्यक त्या सूचना व सुविधा उपलब्ध करून देण्याचे नियोजन करण्यात आले.
दरम्यान महागणपती मंदिरामध्ये भाद्रपद महोत्सवाची तयारी पूर्ण झाली असून देवस्थान ट्रस्टचे विश्वस्त व पोलीस निरीक्षक बळवंत मांडगे यांनी या संपूर्ण तयारीची पाहणी करून आढावा घेतला. दोन वर्षांनंतर भाद्रपद महोत्सव अतिशय उत्साहात साजरा व भक्तिमय वातावरणात साजरा होणार आहे. त्यामुळे होणाऱ्या गर्दीच्या अनुशंगाने या सर्व तयारी ची पाहणी करण्यात आली. याप्रसंगी देवस्थानचे विश्वस्त प्राध्यापक नारायण पाचुंदकर-पाटील , ग्रामपंचायत सदस्य विलास अडसूळ , माजी ग्रामपंचायत सदस्य दादामामा शेळके , माजी विश्वस्त राजेंद्र देव रमेश नाणेकर , पोलीस कर्मचारी ब्रम्हा पवार , संतोष औटी आदी उपस्थित होते.