शिरूर विशेष प्रतिनिधी
टाकळी हाजी तालुका शिरूर येथील ग्रामपंचायत ची निवडणूक नुकतीच पार पडली असून सरपंच पदाची निवड मंगळवार दिनांक ३० रोजी होणार आहे. या तयारीसाठी माजी सरपंच दामुशेठ घोडे यांनी सदस्यांना बरोबर घेऊन गावामध्ये स्वछता मोहीम राबवली.
टाकळी हाजी येथे गावकारभार्यांनी गावाचा कारभार हातात घेण्यापूर्वी ग्रामस्वच्छता करून गावाचा कारभार स्वच्छ व पारदर्शक करण्याची सुरवात करत असल्याचे नवनियुक्त सदस्य नानासाहेब साबळे यांनी सांगितले.
टाकळी हाजी हे गाव लोकसंख्येच्या दृष्टीने मोठे असून जनतेने मोठा विश्वास दाखवत बहुमताने सत्ता दिली असल्याने गावातील लोकांच्या दृष्टीने विविध सोयी सुविधा ,त्यात आरोग्य ,शिक्षण, रस्ते,पाणी, लाईट,लोकांच्या असलेल्या अडीअडचणी सोडविण्यासाठी प्रयत्नशील राहणार आहे.दामुशेठ घोडे माजी आदर्श सरपंच टाकळी हाजी.
