पिंपळखेड प्रतिनिधी प्रफुल्ल बोंबे
जांबुत (ता. शिरूर) येथील जोरी मळ्यातील १९ वर्षीय पुजा भगवान नरवडे या युवतीवर ती घराबाहेर लघुशंकेसाठी गेली असता उसात दबा धरून बसलेल्या बिबट्याने तिला हल्ला करून ठार केले आहे.
बिबट्याने बेट भागात उच्छाद मांडला असून बिबट्याच्या हल्ल्यात या तीन जणांचा नाहक बळी गेला असून वडनेर, पिंपरखेड येथील नागरीक गंभीर जखमी केले आहे.शिरूर तालुक्यात बिबटयांची संख्या मोठया प्रमाणावर वाढल्यामुळे दिवसाढवळ्या शेतकऱ्यांना बिबटयाचे दर्शन होत असून पशूधनाबरोबरच नागरीकांवर हल्ले होत असल्याने तीव्र प्रतिसाद ऊमटले आहे. या भागात बिबट्या नरभक्षक बनला असून अजून किती मृत्यू होण्याचे वन खाते वाट पाहत आहे, नरभक्षक बनलेल्या बिबट्याचे तातडीने वन खात्याने बंदोबस्त करावा अशी मागणी बेट भागातून होत आहे