लोणी काळभोर प्रतिनिधी
लोणीकाळभोर पोलीस स्टेशन, पुणे शहर
लोणीकाळभोर पोलीस स्टेशनचे अभिलेखावरील सराईत गुन्हेगार राज रविंद्र पवार पुणे जिल्हयातुन दोन वर्षा करीता तडीपार
सदर बाबत अधिक माहिती अशी की, पुण्याचे नवनियुक्त पोलीस आयुक्त मा.रितेश कुमार पोलीस आयुक्त यांनी पुणे पोलीस आयुक्तालयातील परिसरात कायदा व सुव्यवस्थेचा प्रश्न निर्माण होऊ नये त्याचप्रमाणे पुणे शहरातील जनतेचे रक्षण व्हावे तसेच कोणत्याही प्रकारचा अनुचित प्रकार घडु नये त्याचप्रमाणे पुणे शहरातील टोळी गुन्हेगार, बेकायदेशीर धंदे करणारे, अंमली पदार्थ विक्रीचे रॅकेट चालविणारे, पोलीस अभिलेखावरील टोळीतील गुंड, दरोडा, जबरी चोरी, घरफोडी चो-या करणारे तसेच शरिर व मालमत्ते विरुध्द गुन्हे करणारे व लोकांमध्ये दहशत करणारे सराईत गुन्हेगारांचा शोध घेऊन त्यांचे हालचालींवर नजर ठेवुन त्यांचे विरुध्द कठोर कारवाई करुन त्यांचे समुळ उच्चाटन करणेबाबतचा आदेश सर्व पोलीस अधिकारी व अंमलदार यांना दिले आहेत,
लोणीकाळभोर पोलीस स्टेशन हद्दीतील अभिलेखावरील गुन्हेगार यांना सदर आदेशाचे अनुषंगाने चेक करुन त्यांचेवर कारवाई करणे बाबतच्या सुचना वजा आदेश दत्तात्रय चव्हाण, वरिष्ठ पोलीस निरीक्षक, लोणीकाळभोर पोलीस स्टेशन, पुणे शहर यांनी पोलीस स्टेशनचे अधिकारी व अंमलदार यांना दिले. त्यानुसार अभिलेखावरील गुन्हेगारांचा शोध घेतला असता रेकॉर्डवरील सराईत गुन्हेगार करण ऊर्फ सत्या बाळु पांढरे, वय २२ वर्षे, रा. खंडोबा मंदीरा जवळ, देवाची ऊरुळी, ता. हवेली, जि. पुणे गुंडसाथिदारांसह देवाची उरुळी, वडकी, हडपसर सासवड रोड लोणीकाळभोर पोलीस ठाणेचे कार्यक्षेत्रात वारंवार गुन्हे करीत असतो. त्याची लोणी काळभोर पोलीस स्टेशनचे कार्यक्षेत्रात जबरदस्त दहशत निर्माण झाली आहे. तो सतत आपले साथीदारांसह धुमाकूळ घालत असतो. म्हणुन सर्वसामान्य जनतेमध्ये घबराहट, भिती व मनामध्ये असुरक्षिततेची भावना निर्माण झाली आहे. त्याचे गुंड व दहशती कृत्यामुळे व तो सतत आपले गुंड सदस्यांसह गुन्हे करीत असलेने त्यांचेविरुध्द नागरीक तक्रार देण्यासाठी पुढे येत नाहीत. दत्तात्रय चव्हाण, वरिष्ठ पोलीस निरीक्षक, लोणीकाळभोर पोलीस स्टेशन, पुणे शहर यांनी करण ऊर्फ सत्या बाळु पांढरे, वय २२ वर्षे, रा. खंडोबा मंदीरा जवळ, देवाची ऊरुळी, ता. हवेली, जि. पुणे याचे तडीपारीचा प्रस्ताव तयार करुन मा. विक्रांत देशमुख, पोलीस उपायुक्त परि. ०५, पुणे शहर यांचेकडे पाठविला होता. मा. पोलीस उपायुक्त परि. ५, पुणे शहर यांनी सदरचे प्रस्तावाची पडताळणी करुन दिनांक २४ / १२ / २०२२ रोजी त्यास महाराष्ट्र पोलीस अधिनियम कलम ५६ प्रमाणे पुणे शहर व पिंपरी चिंचवड आयुक्तालय, पुणे जिल्हयातुन २ वर्षाकरिता तडीपार करण्याचा आदेश पारित केला आहे.
सदरची कारवाई मा. रंजन कुमार शर्मा, अपर पोलीस आयुक्त, पुर्व प्रादेशीक विभाग, पुणे शहर, मा. विक्रांत देशमुख, पोलीस उपआयुक्त परि. ०५, पुणे शहर, मा. बजरंग देसाई, सहा. पोलीस आयुक्त, हडपसर विभाग, पुणे शहर यांचे मार्गदर्शनाखाली वरिष्ठ पोलीस निरीक्षक दत्तात्रय चव्हाण, पोलीस निरीक्षक, (गुन्हे) सुभाष काळे पोलीस उपनिरीक्षक किरण धायगुडे, पोलीस उपनिरीक्षक अमित गोरे,पोलीस उपनिरीक्षक मोरे,पोलीस हवालदार गणेश सातपुते, पोलीस नाईक संदिप धनवटे, यांनी केली आहे.
