लोणी काळभोर प्रतिनिधी.
उंड्री (तालुका हवेली) येथे माणुसकीला काळीमा फासणारी घटना पत्नीने डबा न दिल्याने बेदम मारहाण करून तिचा खून केल्याची घटना घडली. मारहाणीनंतर ती फिट येऊन बेशुद्ध पडली होती. त्यात तिला रुग्णालयात नेल्यानतंर डॉक्टरांनी मृत घोषित केले. डॉक्टरांनी अहवाल दिल्यानंतर पोलिसांनी गुन्हा नोंद केला. शीतल सोमनाथ पांडागळे (वय २७, रा. उंड्री) असे खून झालेल्या महिलेचे नाव आहे.
पोलिसांनी सोमनाथ महादेव पांडागळे (वय ३०) याला अटक केली आहे. याप्रकरणी कोंढवा पोलीस ठाण्यात गुन्हा दाखल करण्यात आला आहे. सोमनाथ बिगारी काम करतो. शीतल ही फिरस्ती होती. त्यातून त्यांची ओळख झाली. ओळखीनंतर एका मंदिरात जाऊन त्यांनी विवाह केला होता. ते दोघे भाड्याने राहत होते.दरम्यान, कामावर जाताना जेवणाचा डबा न दिल्याने दोघांत वाद झाला. वादानंतर बांबूने शीतलला मारहाण केली. मारहाणीनंतर काही वेळात तिला फिट आली आणि ती बेशुद्ध पडली. तिला रुग्णालयात दाखल केले डॉक्टरांनी मृत घोषित केले. तिच्या अंगावर व्रण दिसून आल्याने डॉक्टरांनी तसा अहवाल दिला. त्यानंतर पोलिसांनी खूनाचा गुन्हा नोंद केला आहे.
