बकोरी येथील स्मशानभूमीची अत्यंत धोकादायक दूरवस्था;पत्राशेड कोसळले
पडलेल्या स्मशानभूमीतच होतो अंत्यविधी नूतन स्मशानभूमीचे विकासकाम कधी होणार? ग्रामस्थांमधील चर्चेला उधाण
बकोरी(ता.हवेली) येथील गावामध्ये असलेल्या स्मशानभूमीची अत्यंत दयनीय दुर्वस्था झाली आहे.यामध्ये स्मशनभूमीचे संपूर्ण पत्राशेड खाली कोसळले आहे.तर पत्राशेडला लागून असलेले सर्वच लोखंडी खांब वाकलेल्या अवस्थेत आहे.त्यामुळे ही स्मशानभूमी धोकायदायक स्थितीत आहे.
या स्मशानभूमीची धोकादायक स्थिती व दूरवस्था झाली असून सुद्धा याचं स्मशानभूमीत अंत्यविधी होत आहे.गावामध्ये इतर दुसरी स्मशानभूमी नसल्याने याचं स्मशानभूमीत नाईलाजाने ग्रामस्थांना अंत्यविधी करणे भाग पडत आहे.त्यामुळे नूतन स्मशानभूमीचे विकासकाम कधी होणार? याबाबत बकोरी ग्रामस्थांनमध्ये चर्चेला उधाण आले आहे.
याबाबत बकोरी ग्रामपंचायतीचे ग्रामविकास अधिकारी आनंदा कांबळे यांच्याशी ग्रामपंचायतीमध्ये जाऊन संपर्क साधला असता त्यांनी याबाबत प्रतिक्रिया माहिती देण्यास नकार देऊन टाळाटाळ केली.
[आम्ही स्मशानभूमी पडल्याबाबत पोलीस स्टेशनला पत्र दिले होते.ही स्म्शानभूमी खाजगी जागेत असल्याने आम्ही गावठाण जागेत नवीन स्मशानभूमी बांधणार आहोत.
*-शांताबाई सत्यवान गायकवाड,सरपंच- ग्रामपंचायत बकोरी.]*
[आम्ही ग्रामपंचायत मीटिंगमध्ये ठराव करून स्मशानभूमी बांधण्यासाठी जागा निश्चित करणार असून नवीन ठिकाणी लवकरच काम सुरु करण्यात येणार आहे.
*-द्रुपती संतोष वारघडे,उपसरपंच- ग्रामपंचायत बकोरी]*