सुनील भंडारे पाटील
बदलत्या वातावरणामुळे वढू बुद्रुक- केंदूर (तालुका शिरूर) आणि परिसरातील गावांमध्ये गेल्या आठवड्याभरा पासून लोकांमध्ये डोळे येण्याची साथ आली असून केंदूर प्राथमिक आरोग्य केंद्र अंतर्गत गावांमध्ये या आरोग्य केंद्र मार्फत साथ आटोक्यात आणण्यासाठी युद्ध पातळीवर प्रयत्न चालू आहेत,
डोळे येण्याच्या साथीचे रुग्ण सगळीकडे सापडत असून, आमचे शर्थीचे प्रयत्न युद्धपातळीवर चालू आहेत, अशा पेशंटची आम्ही काळजी घेत असून त्या संदर्भातील उपचार चालू आहेत, डोळे लाल होणे, डोळ्यातून पाणी येणे, डोळे चीपडणे, अशी या आजाराची लक्षणे असून, आमच्या प्राथमिक आरोग्य केंद्रात यावर योग्य इलाज केले जात आहेत, अशी लक्षणे दिसल्यास लोकांनी तातडीने उपचार करण्याचे आवाहन प्राथमिक आरोग्य केंद्र केंदूरचे वैद्यकीय अधिकारी सारिका तायवडे यांनी केली आहे,