कोरेगाव भिमाच्या ऐतिहासिक पुलास गॕस लाईन मुळे धोका असल्याचा
ग्रामस्थांचा संशय
कोरेगाव भिमा येथील गॅस कंपनीचे खोदकामास स्थगिती देत लेखी हमी देऊन काम सुरू करण्याची मागणी.
पुलाला धोका नसल्याचे बांधकाम विभागाचे, संबधित इतर विभाग व गॅस एजेंन्सी यांनी लेखी हमीपत्र द्यावे व ग्रामस्थांची परवानगी घेऊनच काम सुरू करावे
कोरेगाव भिमा (ता.शिरूर) येथील ऐतिहासिक पुलाखाली महेश गॅस एजेन्सीचे खोदकाम काम सुरू असून या खोदकामामुळे कोरेगाव भिमा येथील ऐतिहासिक जुना पुल सरसेनापती हंबीरराव मोहिते या पुलाला मोठा धोका होऊ शकतो म्हणून बांधकाम विभाग व संबधित विभागाचे हमीपत्र मिळाल्याशिवाय काम सुरू करण्यात येऊ नये,तसेच कोरेगाव भिमा ग्रामस्थांची या कामासाठी परवानगी घेण्यात यावी अशी मागणी करत सरपंच विक्रम गव्हाणे ,ग्रामसेवक रतन दवणे यांच्या उपस्थितीत काम थांबवण्यात आले.
ग्राम पंचायतीची परवानगी बाबत संशय -
यावेळी संबधित गॅस एजेंन्सिला कोरेगाव भिमा ग्रामपंचायतीच्या वतीने परवानगी बाबत संशय निर्माण होत असून ग्रामपंचायत सदस्य संदीप ढेरंगे यांनी याबाबत सरपंच विक्रम गव्हाणे व ग्रामसेवक रतन दवणे यांना विचारले असता त्यांनी मासिक सभेत विषय घेतल्याचे सांगितले पण सदस्य संदीप ढेरंगे यांनी सांगितले की असा कोणताही विषय झाला नाही ? यावर सरपंच विक्रम गव्हाणे यांना आम्हाला लेखी दाखवा असे सांगण्यात आले.
ग्रामस्थांनी केलेल्या मागण्या
१) १०० वर्षांपेक्षा जुना असलेल्या कोरेगाव भिमा येथील ऐतिहासिक पुलाचे बांधकाम विभाग व पुरातत्व विभाग यांच्या कडून स्ट्रक्चर ऑडिट करण्यात यावे.
२) ऐतिहासिक पुलाला कुठल्याही प्रकारचा धोका नसून या गॅस पाईप लाईनमुळे भविष्यात जर काही धोका झाला तर त्याला संबधित विभाग ,परवानगी देणारे अधिकारी व संबधित गॅस एजेंसी जबाबदार राहिल.. याचे विशेष लेखी हमीपत्र देण्यात यावे.
३) कोरेगाव भिमा ग्रामस्थांच्या परवानगीने सदर काम सुरू करण्यात यावे.
याबाबतचे ग्रामसेवक रतन दवणे यांनी जून , जुलै व ऑगस्ट अशा तीन महिन्यांमध्ये विषय चर्चा केली असून ऑगस्ट महिन्यात परवानगी दिली असल्याचे ग्रामसेवक रतन दवणे यांनी सांगितले.
कोरेगाव भिमा येथील ऐतिहासिक पुलाला कोणताही धोका निर्माण होणार नाही व त्यांच्या मजबुतीस काहीही धक्का लागणार नसून भविष्यात याबाबत जर काही नुकसान झाले याची जबाबदारी बांधकाम विभाग,परवानगी देणारे संबधित अधिकारी व गॅस एजेंन्सी घेऊन विशेष लेखी हमीपत्र देण्यात यावे.
ग्रामपंचायत सदस्य व माजी सरपंच संदीप ढेरंगे, माजी सरपंच विजय गव्हाणे.