लोणी काळभोर अनिकेत मुळीक
रोहित पवार हे युवा संघर्ष यात्रा काढणार आहेत. २५ ऑक्टोबर ते ७ नोव्हेंबरपर्यंत ही यात्रा चालणार आहे राष्ट्रवादीचे कर्जत जामखेडचे आमदार रोहित पवार यांनी राज्याचे उपमुख्यमंत्री अजित दादांना टोला लगावला आहे. आम्ही युवकांचे प्रश्न घेऊन रस्त्यावर उतरत आहोत,रोहित पवार हे युवा संघर्ष यात्रा काढणार आहेत. २५ ऑक्टोबर ते ७ नोव्हेंबरपर्यंत ही यात्रा चालणार आहे.
याबाबत रोहित पवारांनी माहिती दिली. येत्या 24 तारखेला महात्मा फुले वाडा आणि लाल महालात जाऊन आशीर्वाद घेणार आहोत. एकुण 10 जिल्हे आणि 28 तालुक्यातून ही यात्रा जाणार आहे. पुणे ,अहमदनगर, बीड ,जालना ,परभणी, हिंगोली, वाशिम , अमरावती, यवतमाळ, वर्धा आणि नागपूरमधून ही यात्रा जाईल. दिवसाला 18 ते 24 किमी चालणार आहोत. शरद पवार यांच्या मार्गदर्शनाने समारोप सभा होणार आहे. पुण्यात शरद पवार साहेबांची सभा घेणार आहेत. तेव्हा शरद पवारसाहेब विद्यार्थ्यांना मार्गदर्शन करतील, असं रोहित पवार म्हणाले.
ही यात्रा संपल्यानंतर ज्यांनी ज्यांनी युवा धोरणाला विरोध केला आहे. ते सगळे आता आजारी पडतील, असा टोला रोहित पवार यांनी अजित पवार यांना लगावला आहे. काही दिवसांआधी अजित पवार आजारी असल्याच्या बातम्या समोर आल्या. यावेळी अजित पवार नाराज असल्याचीही चर्चा राजकीय वर्तूळात झाली. यावरून रोहित पवारांनी अजित पवारांना टोला लगावला आहे.
