सुनील भंडारे पाटील
वाजेवाडी (ता. शिरूर) वाजेवाडी गावठाणातील जून्या ट्रान्सफार्मर वरून विजेचा होल्टेज कमी दाबाने येऊन सतत विज विस्कळीत होत असून घरातील विद्युत उपकरणे तसेच गावातील सार्वजनिक पिण्याच्या पाण्याच्या विहीरीवरील विद्युत पंप चालत नसल्याने पिण्याच्या पाण्याची समस्या होत असल्याने वाजेवाडी ग्रामस्थ संतप्त झाले आहेत वीजेची खूप गंभीर परिस्थिती उद्भवली असून याकडे मात्र वीज वितरण खाते व वाजेवाडी गावचे लोक प्रतिनिधी यांचे पूर्णतःहा दुर्लक्ष झालेले आहे,
ग्रामपंचायत प्रशासन हे गावातील रहिवासी नागरिकांचे वीज बत्ती कर ग्रामस्थांकडून आकारत असते त्यामुळे गावामध्ये गावठाण व वाड्या,वस्त्यांवर वीजेच्या उद्भवणाऱ्या समस्यांकडे खरे तर वीज वितरण खात्यासह, गावचे लोकप्रतिनिधी व ग्रामपंचायतीचे सरपंच, उपसरपंच, पदाधिकारी यांनी लक्ष देणे गरजेचे आहे. परंतु या वाजेवाडी गावातील उद्भवलेल्या वीज समस्येकडे पाहता याकडे पूर्णपणे दुर्लक्ष झालेले पहावयास मिळत आहे .