आळंदी प्रतिनिधी
आळंदी शहरासाठी पिण्याचे पाण्याची बंधिस्त पाईप लाईन केळगाव येथे रस्त्याचे कडेला लिकेज झाल्याने तात्काळ देखभाल दुरुस्ती आळंदी नगरपरिषद पाणी पुरवठा विभागाने करून घेतली. कुरुळी जॅकवेल येथून आलेली पिण्याचे पाण्याची बंदिस्त पाईपलाईन आळंदीला नेण्यात आली आहे. सदर लाईन लिकेज असताना लिकेज काढून घेतले. मात्र त्या ठिकाणचा रस्ता देखभाल दुरुस्ती गेल्या आठ दिवसां पासून प्रलंबित आहे. यामुळे केळगाव रस्ता रहदारीला धोका निर्माण झाला आहे.
आळंदी नगरपरिषदेस केळगाव ग्रामस्थ नेहमी सहकार्य करीत असून देखील आळंदी नगरपरिषद नागरी सेवा सुविधेतील पिण्याची पाईप लाईनच्या लीकेजचे काम झाल्या नंतर रस्त्याची दुरुस्ती तात्काळ करण्याचे मागणीकडे आळंदी नगरपरिषद दुर्लक्ष करीत असल्याने वाहन चालक, नागरिकांनी नाराजी व्यक्त केली.
केळगाव आळंदी या मुख्य रस्त्यावर आळंदी नगरपरिषदेच्या वतीने दहा फूट बाय दहा फूटचे खड्डे घेऊन पाईपलाईन दुरुस्ती करण्यात आले. गेल्या आठ दिवसापूर्वी सुरु केलेले काम पूर्ण झाले. मात्र 6 दिवसा पासून येथील रस्त्याची देखभाल दुरुस्ती करण्यात आली नाही. खड्डे भरण्यासाठी कारणे देत काम लांबविल्याचे नागरिकांनी सांगितले. या संदर्भात बांधकाम अभियंता सचिन गायकवाड, संजय गिरमे, पाणी पुरवठा विभाग प्रमुख शीतल जाधव यांना या बाबत माहिती दिली. रस्त्याचे देखभाल दुरुस्तीचे काम करण्यास संबंधितांशी सांगितले असून बुधवारी ( दि. 17) दिवसभरात काम पूर्ण केले जाईल असे सांगितले.