सुनील भंडारे पाटील
महिलांच्या न्याय हक्कासाठी महिला दिनाचे औचित्य साधत संतुलन शेतकरी कष्टकरी महिला परिषदेचे अध्यक्ष अँड पल्लवी रेगे व दगडखाण कामगार विकास परिषद महाराष्ट्राचे अध्यक्ष अँड.बी एम रेगे यांच्या नेतृत्वाखाली विधान भवन ते जिल्हाधिकारी कार्यालयापर्यंत महिला अत्याचार निषेध भव्य मोर्चाचे आयोजन करण्यात आले होते.
पुण्यामध्ये दिवसे दिवस महिला व मुलीवरील अत्याचाराच्या घटना वाढत असल्याने त्यांची सुरक्षा हा गंभीर विषय बनला आहे. अशा अमानुष अ मानवी प्रवृत्तीच्या निषेधार्थ भव्य असा मोर्चा विधान भवन ते जिल्हाधिकारी कार्यालय पर्यंत काढण्यात आला.
महिलांना न्याय अधिकार मिळावा, सुरक्षा व सामाजिक शैक्षणिता वाढावी यासाठी विविध मागण्यांचे निवेदन विधान भवन विभागीय आयुक्त, पोलीस आयुक्त, जिल्हाधिकारी यांना देण्यात आले.
मोर्चाप्रसंगी एडवोकेट पल्लवी रेगे यांनी राष्ट्रपुरुषांच्या पदस्पर्शाने पावन झालेले व विद्येचे माहेरघर असणाऱ्या पुण्यनगरी महिलांच्या सुरक्षेवर चिंता व्यक्त केली, त्यांनी जागतिक महिला दिन कसा साजरा करायचा असा बेधडक सवाल विभागीय आयुक्त, पोलीस आयुक्त व जिल्हाधिकाऱ्यांना केला. महिलांनी रणरागिनी होऊन अत्याचाराविरुद्ध लढले पाहिजे असे मत मांडले व महिलावर अत्याचार करणाऱ्या नराधमांना फाशीची शिक्षा देण्यात यावी अशी मागणी करून विविध मागण्यांचे निवेदन विभागीय आयुक्त, पोलिस आयुक्त व जिल्हाधिकारी यांना देण्यात आले.
महिलांच्या अन्याविरुद्ध आवाज उठविणाऱ्या तृप्ती देसाई यांनी आपण कायम संतुलन संस्थेच्या पाठीशी उभे राहून सर्वतोपरी सहकार्य करण्याचे आश्वासन दिले.
विधान भवन ते जिल्हाधिकारी कार्यालयापर्यंत विविध घोषणा व जागृती गीते सादर करण्यात आली. कार्यक्रमाच्या यशस्वीतेसाठी संतुलन संस्थेचे अध्यक्ष वंदनाताई भुजबळ, बेबी बोकले, कौशल्या पांडे, कांचन ओव्हाळ, सुरेखा गायकवाड, जहीरा शेख यासह पुणे जिल्ह्यतून मोठ्या संख्येने महिला व युवती उपस्थित होत्या.